Quen é quen no Panteón Real?

Fillo de Guillermo I e de Estefanía de Barcelona, chegou á península dende máis alá dos Pirineos co obxectivo de colaborar coas armas cristiás contra a presencia musulmá no territorio.  

Conseguiu prosperar, convertíndose en Conde de Galiza, esposo de Urraca e pai do emperador Alfonso VII. Gozando dun gran poder, puido intervir no nomeamento de bispos, como o de Diego Xelmirez, primeiro arzobispo de Santiago.  

Pedro Froilaz foi un personaxe clave na historia de Galiza. Rico e poderoso, representou o culmen da xerarquía nobiliaria galega e tivo a responsabilidade de educar ao futuro rey Alfonso VII e de dirixir o banquete na ceremonia da súa coronación.  

Raíña consorte de Galiza e León polo seu matrimonio con Alfonso VII, foi Filla do conde Ramón Berenguer III e de Dulce de Provenza. O seu matrimonio supuxo unha firme alianza política entre León- Galiza e o leste da península, en concreto cos Condes de Barcelona, así como novas formas de colaboración na empresa reconquistadora.  

Berenguela foi unha conselleira imprescindible de moitos dos grandes personaxes do reino, tendo moita influencia na corte, o que a converteu nunha raíña popular e respectada. Manifestou, dende un primeiro momento, moita curiosidade pola cidade de Santiago e polo apóstolo.  

Rei de León e Galiza, fillo de Alfonso VII e Doña Berenguela. Tivo un papel decisivo na finalización das obras da Catedral de Santiago, xa que, en 1168, firmou un privilexio polo cal concedía unha pensión vitalicia ao Mestre Mateo por facerse cargo das mesmas.  

O seu reinado transcurriu nunha época de grande vitalidade cultural en Galiza. Foi un activo impulsor dos centros urbáns e personaxe clave na conformación do Panteón Real, xa que en 1180 dispuxo aquí o seu soterramento e o dos seus sucesores.  

Fillo de Fernando II, foi o último monarca do reino independente de Galiza e León, xa que o seu sucesor Fernando III o Santo, unificou os reinos con Castela. Durante o seu reinado foron habituais as guerras con portugueses e casteláns e as maniobras estratéxicas.  

Foi un monarca fundamental na historia da Catedral e de Galiza. Durante o seu reinado levouse a cabo a Consagración da Catedral, en 1211. Tamén fundou diversas cidades e apoiou as peregrinacións a Compostela, tratando de preservar a seguridade do Camiño de Santiago.

Procedente dunha importante familia de orixe galega, foi raíña consorte de Castela e León polo seu matrimonio con Pedro I, o cal lle valeu o apodo de desamada ao durar únicamente un día.